काठमाडाैँ– भारतीय चलचित्रका अभिनेता विवेक ओबराेय बुधबार नेपाल आइपुगेका छन्। व्यवसायी पुनम यादवको निमन्त्रणामा उनी परिवारसहित नेपाल घुम्न आएका हुन्।
ओबराेयको परिवार १० दिन नेपालमा रहने बताइएको छ। “पहिलोपटक नेपाल आएको हुँ, मेरो बुबाआमा धेरै पटक आइसक्नुभएको छ”, त्रिभुवन विमानस्थलमा सञ्चारकर्मीसँग कुरा गर्दै उनले भने। नेपाल बसाइका क्रममा पशुपतिनाथ दर्शनका साथै लुम्बिनी, पोखरालगायत ठाउँ घुम्ने उनले बताए।
अभिनेता ओबराेयले प्याराग्लाइडिङ, बन्जीजम्प र धौलागिरि हिमालको अवलोकनसँगै म्याग्दीको घोरेपानी क्षेत्र घुम्ने कार्यक्रम तय भएको छ।